O Concello de Silleda e a Casa do Patrón asinan un convenio para a promoción de Carboeiro e o museo lalinense

 

Silleda, 12 de decembro de 2012. O Concello de Silleda, a través da Concellaría de Cultura e Turismo, e  o Museo Etnográfico Casa do Patrón de Codeseda, en  Doade (Lalín) veñen de asinar un convenio de colaboración, co mosteiro de Carboeiro e o propio museo como protagonistas.

Este acordo ten por obxectivo a promoción e divulgación ,de xeito mutuo, do Mosteiro de Carboeiro, e a posta en valor do Museo Casa do Patrón.  A Concellaría de Cultura e Turismo do Concello de Silleda colaborará co Museo Etnográfico Casa do Patrón de Codeseda  posibilitando a súa publicidade e sinalización para dar  a coñecer as súas actividades. Como contrapartida, o centro lalinense pon a disposición do Concello a posibilidade de realizar exposicións temporais e intercambios cos fondos do propio Museo.

As dúas partes facilitarán, en virtude deste convenio, o intercambio de visitas a través dos seus respectivos guías turísticos, divulgando e recomendando mutuamente a visita á outra institución.

O concelleiro de Cultura e Turismo de Silleda, Matías Rodríguez da Torre, considera que este acordo pon en valor “conceptos básicos, como son a comarcalización do turismo, fomentando o intercambio de visitas e maiores estadías das persoas que se achegan a coñecer a comarca, e tamén a difusión de dous emblemas a nivel turístico”.

Pola súa banda, Manuel Blanco Villar, presidente do Museo Casa do Patrón lembrou que o centro lalinense conta cun gran número de fondos, con máis de 3.000 pezas representativas de máis de 80 oficios ou profesións artesanais de toda a Comunidade. Con este convenio, algunhas desas pezas formarán serán amosadas ao público na sala de exposicións do mosteiro trasdezao.

Silleda será o segundo Concello co que a entidade, que tamén edita libros e videos sobre temas culturais e organiza distintas actividades, asine un convenio de colaboración, logo de Lalín.

“En definitiva, con este convenio estamos aproveitando os dous recursos turísticos que máis fluxo teñen a día de hoxe na comarca”, sinalou Da Torre, lembrando ademais os milleiros de visitantes que se achegan cada ano ata Carboeiro.

Blanco Villar tamén manifestou durante a firma do convenio que agarda que con esta fórmula de colabroación establece “o eixe Carboeiro-Doade se convirta nunha ruta habitual da visitas”, e agradeceu a boa disposición amosada polo concelleiro Matías R. Da Torre.

 

 

 

 

A parroquia de Cira conta con máis de 270.000 metro adicados o cultivo de hortofloral, de froita e viño

 

Silleda, 8 de decembro de 2012. A Concellería de Medio Ambiente e Medio Rural de Silleda, que dirixe Antonio Couso, está á espera da resolución da axuda para o proxecto de mellora e acondicionamento na zona de baño da parroquia de Cira. Esta iniciativa presentouse á convocatoria de subvencións para a concesión  de axudas a actividades, actuacións ou medidas de concellos incluídos na Rede Natura 2000 e a súa convocatoria para os anos 2012, 2013 e 2014.

O obxectivo é a mellora da paisaxe e o mantemento das condicións ambientais, así como a recuperación de especies históricamente relacionadas coa actividade agraria en zonas da Rede Natura 2000. Con esta actuación tamén se busca a posta en valor de elementos históricos, patrimoniais ou culturais que sexan representativos da paisaxe agraria tradicional.

O proxecto realizado dende o Concello de Silleda, cun custe de 19.976 euros,  busca mellorar a paisaxe agraria e desenvolver usos recreativos en Cira, unha parroquia que suma 16 explotacións agrícolas cun total de 217.620 m2  de superficie adicada a terreos produtivos (ao aire libre e en invernadoiros) que poderían beneficiarse con esta proposta.

            Nesta zona que forma parte do Sistema Fluvial Ulla-Deza contabilízanse un 60 invernadoiros localizados preferentemente no val de Cira, zona baixa situada a 80 metros sobre o nivel do mar, aínda que tamén existen no lugar do Curro, na zona alta da parroquia preto da igrexa de Santa Baia.

 

            Estas estruturas están destinadas fundamentalmente á produción de flor e de legumes, do tipo da xudía. A xudía, en concreto a plana, está considerada nos mercados de abastos de Santiago como de primeira calidade, con denominación de procedencia que a distingue das demais. O tomate, a leituga , acelgas, e as fresas son outros exemplos da variada e rica producción e comercialización dende esta localidade silledense.

Segundo os datos recabados para reforzar a solicitude da subvención, en Cira destaca tamén a produción de froita, grazas ao clima benigno, moi apto para cultivos hortofrutícolas. A mazá Golden de Cira, das explotacións do Pazo de Paizás e do Castelo  é coñecida en cidades coma Madrid. Nestes momentos  estas empresas asociadas en forma de cooperativa  destinan a esta produción máis  de 150.000 m2 de terreo.

No tocante aos cultivos de flor, en Cira son especialistas en flor cortada e destacan pola súa calidade o caravel e caravel pequeno, a xerbeira  e o lilium, aínda que tamén se cultivan outras variedades que ata non hai moito eran exclusivas de Holanda.

A parroquia está tamén incluida na Denominación de Orixe Rias Baixas . Dende o ano 2000 e gracias aos esforzos de Castro Brey nativo de Cira,  a zona de Cira, Gres, Ledesma pasou a incorporarse dentro da Denomiación de Orixe Rias Baixas, como integrante da subzona do Ulla. Como publicita unha coñecida marca de Alvariño da Comarca, trátase dun Val Térmico, situado na ribeira do rio Ulla con solos derivados de sustratos graníticos cun suave clima  atlántico cuxo resultado  é un viño único e inigualable. Neste momento Cira está protagonizando unha evolución cara a este tipo de economía potenciando a plantación de cepas desta variedade tan apreciada no mundo vitivinícola.

 

No censo elaborado para a realización do proxecto de dinamización de Cira, xa destaca a existencia de máis 5.000m2  de terreo adicado a estas viñas nos lugares de Rendo e O Candao.

 

Ademais dos distintos cultivos, a localidade silledense conta con coutos de esca de Salmón e elementos do patrimonio histórico-artístico  coma o castelo, fundado no S. XII por Bernardo Xoan de Deza e posteriormente feudo da Raiña Dona Urraca e o Conde de Altamira; o Pazo de Paizás, e casas solaregas.

A parroquia tamén conta cun establecemento de turismo rural (Casa Iglesias), situada no propio val , xusto no lugar de Rendo entre as flores, legumes e frutais,  dos campos veciños e a 500 metros da Xunta dos ríos Deza e Ulla. Conta cunha capacidade para 7 persoas e alúgase completa

 

Sinalización, área recreativa e centro de interpretación

As actuacións concretas que recolle o proxecto inclúen o acondicionamento e sinalización da zona de baño de Cira, coñecida como Xunta dos Ríos (por confluir aquí o Ulla e o Deza); a creación dunha área recreativa con equipamento axeitado; acondicionamento dun miradoiro na Xunta dos Rios; creación dun sendeiro pola contorna, co dedido acondicionamento e sinalización.; e a dotación dun centro de interpretación no centro social da parroquia.       

A zona onde promove a actuación a Concellería de Medio Ambiente e Medio Rural atópase  na parte fonda e llana da parroquia de Cira, a tan só 67 metros sobre o nivel do mar, delimitada polos ríos Ulla e Deza. Ten unhas dimensións aproximadas de 1,10 km en sentido Norte e 1,3 km en sentido leste-oeste.  Figura recollida na Rede Natura 2000, como Lugar de Interese Comunitario (LIC) do Sistema  Fluvial Ulla-Deza.

O obxectivo da actuación promovida pola Concellería silledense pasa por potenciar aquelas actividades que, sendo compatibles coa conservación da natureza, contribúan á mellora da calidade de vida e, por extensión ao desenvolvemento do territorio rural do municipio. Tamén se pretende preservar os ecosistemas de alto valor natural e protexer en cada zona o mantemento dun estado de conservación favorable para os hábitats e as especies de interese de cada espazo dentro da Rede Natura 2000 de Galicia.

 

 

 

 

 

 

 

 

 

 

Avema e a Concellería de Participación Cidadá organizan un curso sobre conservación de alimentos

 

Silleda, 5 de decembro de 2012. O Centro Cultural Vistalegre da Bandeira acolle os días 19, 20 e 21 deste mes un curso de conservación de alimentos, coa fabricación de doce de marmelo como protagonista. O ciclo está organizado pola Asociación de Veciños de Manduas (Avema) e o Concello de Silleda, a través da Concellaría de Cultura e Participación Cidadá. Para asistir é imprescindible anotarse e reservar praza. Ademais de conceptos teóricos tamén se incluirá experiencia práctica.  A primeira xornada, do día 19, será ás 20 horas, a segunda, o día 20 de decembro, ás 19.00 horas e xa o día 21 pola tarde visitarse a industria de conservación de alimentos Cooperativa Milhulloa, sita na localidade lucense de Palas de Reis.

Os interesados poden anotarse polas mañás na Casa da Cultura de Silleda (986 581028), ou polas tarde no Centro Cultural Vistalegre da Bandeira (986 585550).

O custe dependerá do número de inscricións (precísase un mínimo de 15 persoas), así será de 25 ou 30 euros, segundo se anoten máis ou menos persoas. Ademais do aproveitamento de produtos típicos da estación, o que se pretende con este ciclo é informar aos asistentes e á cidadanía das posibilidades de conservación dos alimentos naturais ecolóxicos que calquera ten na súa horta.

Os traballos do Obradoiro de Arte Terapéutica felicitan o Nadal aos membros do Clube de Maiores

 

 

 

O Obradoiro de Arte Terapéutica, unha das novidades incluídas no programa Silleda Activa, celebrará ao longo deste mes distintas sesións co Nadal como protagonista. Así, os alumnos e alumnas que acoden a esta novidosa proposta para os maiores realizaron xa as postais de Nadal coas que se felicitará nestes días aos socios e socias do Clube do Centro Social dos Maiores.

Con esta actividade, ademais de cumprir cos obxectivos específicos deste obradoiro (usando as artes manuais coma terapia tanto física como a nivel psicolóxico) tamén se busca dar a coñecer ao resto dos maiores que formar parte do Clube o traballo realizado, felicitándolles o Nadal cunha postal creada por eles e firmada pola alcaldesa, Paula Fernández.

Os obradoiros continúan todos os mércores de decembro no Centro Social, en horario de 17.00 a 20.00 horas. Mañá día 5 realizaranse anxos e outras figuras decorativas para estas dependencias municipais; o mércores día 12 parán figuras para o Belén e o Pai Nadal, ademais de montar unha árbore, e o día 19 crearán o Belén.

Máis de 300 socios e propostas novidosas

A día de hoxe o Clube dos Maiores de Silleda supera xa os 300 socios e socias, que disfrutan de descontos tanto en actividades municipais como en establecementos (ópticas, ortopedias, herbarios, clínicas dentais…). Para obter o carné, que se entrega de xeito gratuito aos maiores de 65 anos ou aos que aínda sen ter esta idade sexan pensionistas, os interesados poden achegarse ata o Centro Social de Silleda ou ben solicitalo vía telefónica para que llo envíen ao seu domicilio.

O programa Silleda Activa, a primeira actividade coa que se estrea o Clube Social dos Maiores, inclúe ademais deste obradoiro de arte terapéutica outras moitas actividades que están a ter gran éxito. Entre as máis novedosas destaca o obradoiro de alfabetización dixital, no que se ensina aos asistentes a usar e sacarlle partido ao teléfono móbil.

 

 

Comenzan as obras para dotar de traída de augas a varios lugares de Manduas

 

Silleda, 4 de decembro de 2012. Os operarios municipais veñen de comezar as obras para a dotación da traída de augas aos lugares de  Quintela, Andamollo e Vilaverde, na parroquia de Manduas. O concelleiro de Obras e Servizos, Manuel Cuíña, visitou hoxe a zona de Andamollo, onde se iniciaron os traballos coa apertura de zanxas para proceder despois ás correspondentes canalizacións.

Esta actuación, promovida pola citada Concellería, realízase con personal e maquinaria do Concello, contando cunha subvención de 29.634,44 euros correspondente ao Fondo de Compensación Ambiental para a compra do material necesario.

“A dotación de servizos coma a traída de augas no rural era un dos compromisos desta concellería cos veciños e veciñas”, lembra o concelleiro.

Para contratar a adquisición de materiais necesarios para esta obra, realizouse un procedemento negociado, no que se convidou a seis empresas do municipio para que realizaran a súa oferta. Nunha xunta de goberno local extraordinaria resolveuse adxudicar a compra de material á empresa silledense Climadeza.

 

Unha dotación de servizos que se continuará

As obras da traída beneficiarán aos veciños e veciñas dos citados lugares de Manduas, unha das parroquias de maior densidade de poboación. “Esta actuación vén sumarse a outras comas as realizadas en Saídres, Taboada ou Cortegada, tamén para dotar de abastecemento de auga ás citadas localidades rurais, dándolles un servizo básico aos cidadáns”, engade Cuíña.

“Dende a Concellería de  Obras e Servizos seguiremos traballando nesta liña, e en canto rematemos esta obra continuaremos con outras actuacións para ampliar a rede de traídas, en lugares moi necesarios como Toxa ou a parroquia de Ponte”, avanza o concelleiro

Os traballos en Manduas remataranse ao longo deste mes de decembro. 

Remata con éxito o programa de deseño de ocio do Plan Actívate

 

Silleda, 3 de decembro de 2012. O curso de Deseño, Planificación e Desenvolvemento de Actividades de Ocio no tempo de lecer, incluído no programa Actívate rematou hoxe en Silleda logo de 13 intensos días de actividade. Nesta última sesión os alumnos e alumnas abordaron coñecementos relacionados coas técnicas de búsqueda de emprego.

A alcaldesa, Paula Fernández Pena, en nome da concelleira de Xuventude, Margarita Campos, que non puido asistir polos seus compromisos profesionais, despediu aos/as participantes agradecendo a súa participación e o interese amosado.

“É de destacar que 13 dos 21 participantes vos ofrecerades como voluntarios e voluntarias para realizar distintas actividades de xeito desinteresado dentro do programa de Nadal, algo que vos servirá tamén para adquirir experiencia e darvos a coñecer se vos gusta este ámbito profesional”, sinalou a rexedora. Estes mozos e mozas estarán o vindeiro día 28 no Centro Cultural Vistalegre da Bandeira organizando obradoiros de maquillaxe, música e teatro.  Así mesmo, Paula Fernández, propúxolles colaborar tamén realizando actividades na Casa da Xuventude. “Dende o Concello de Silleda estamos moi satisfeitos e orgullosos de que a xente nova coma vós participe neste tipo de actividades que vos axudan tamén a formarvos”, sinalou a rexedora.

Os diplomas acreditativos da participación no ciclo serán entregados nas próximas semanas. O ciclo, promovido pola  Concellería de Xuventude e Emprego e organizado en colaboración coa Deputación de Pontevedra, tiña como obxectivo xeral aprender a coñecer o medio sociocultural onde se vai desenvolver a actividade, así como técnicas de deseño e organización de actividades lúdicas. O programa consta de varios módulos coma os titulados o ámbito sociocultural, a educación no tempo libre,; e técnicas e recursos para a intervención. Ademais de veciños e veciñas de Silleda tamén participaron alumnos e alumnas de municipios veciños como Lalín ou Vila de Cruces.

 

O local social de Ansemil-Martixe acolle un curso sobre coñecemento do viño

 

O local social de Ansemil-Martixe acollerá os vindeiros días 11, 12, e 13 deste mes de decembro un curso de coñecemento do viño. A cita será a partir das 19.30 horas nas tres xornadas, impartida por Alfonso Losada, xefe de Enoloxía da Estación de Vitucultura e Enoloxía de Galicia.

A inscrición custa 10 euros e o ciclo ten un número máximo de 24 prazas. As persoas interesadas en asistir poden inscribirse a través da Asociación Cultural e Veciñal de Ansemil-Martixe ou na Casa da Cultura de Silleda (986 581021).

O curso abordará contidos básicos coma as castes de vide autóctona galega, nocións sobre elaboración do viño e outros temas relacionados coa cata coma identificacións do aroma, cor, componentes gustativos, o equilibrio do viño, a detección de defectos, ou a importancia e formación na cata.

A cita está coorganizada pola Concellería de Cultura e Participación Cidadá, que dirixe Matías R. da Torre e a Asociación Cultural e Veciñal de Ansemil-Martixe. A idea é realizar  un primeiro achegamento teórico-práctico á cultura do viño, con catas das diferentes denominacións de orixe galega e tamén uns consellos sobre como experimentar coa uva local para a elaboracion do viño.

“Trátase dunha iniciativa que se podería repetir se houbera interese, especialmente na zona nordeste do Concello, cara ao val do ulla,  onde a produción de viño xa é considerabel”, engade o concelleiro.

 

O departamento de Obras e Servizos recibiu 99 reclamacións polo apagado de 960 puntos de luz

 

O departamento municipal de Obras e Servizos recibiu dende o mes de agosto, en que comezou a aplicarse o plan de aforro no alumeado,  99 reclamacións, polo apagado dun total de 960 puntos de luz nas parroquias do rural silledense. Segundo explicou o concelleiro Manuel Cuíña a petición propia no último pleno ordinario, o 50 por cento desas reclamacións están xa revisadas e respostadas de xeito individual, resolvendose de xeito favorable, coa reposición do servizo, algunhas delas. “Ademais das explicacións dos técnicos encargados de realizar o plan de aforro tamén recibiron unha carta miña explicando a resolución, que nalgúns casos foi favorable”, sinalou. Cuíña advertiu que tendo en conta o gran número de núcleos do rural e os máis de 3.000 puntos de luz cos que conta o municipio “é fácil que se cometera algún erro, pero neses casos xa foron subsanados”, explica.

O concelleiro advirte que a maioría das persoas que se achegaron ata o Concello para presentar as súas reclamacións e que recibiron as oportunas explicacións “entenderon as medidas adoptadas, salvo en dous casos contados”, engade.

Así mesmo, Cuíña adianta que en base á subida que veñen de aplicar as compañías eléctricas con carácter retroactivo nos últimos meses, “e que todos os cidadáns notamos nos nosos recibos”, estímase que se non se tiveran tomado medidas “a suba do custe en alumeado rural sería aproximadamente duns 9.000 euros no recibo”, engade. Ademais do apagado de farolas, Cuíña reitera que  o plan de aforro incluíu outras moitas medidas coma  axuste de potencia lumínica ao consumo real, ou a aplicación de tarifas de discriminación horaria que non se estaban aplicando.

Orzamento escaso á vista do incremento

Neste senso, Cuíña explica que se ben se aforraron nos primeiros meses uns 4.000 euros ao mes respecto ao mesmo período de 2011, no último recibo do alumeado público o incremento foi de 1.000 euros. “Como exemplo basta decir que en febreiro deste ano a factura foi de 70.000 euros e que se non puxeramos en marcha medidas de aforro o recibo podería dispararse, tendo en conta a suba que está prevista tamén para xaneiro, ata cerca dos 90.000 euros”.

Á vista do incremento previsto e o aplicado  nos últimos meses, o titular de Obras e Servizos considera que “o orzamento previsto para o alumeado vai quedar escaso pola excesiva subida da electricidade”, engade.

Reposicións con conexión a particulares

Por outra banda, Manuel Cuíña tamén deu conta de que varios veciños pediron permiso para conectar os puntos de luz coas súas vivendas e sobre todo establos. En concreto foron 20 os puntos de luz repostos por esta vía. “Esta é unha cuestión que haberá que explicar ben cando celebremos reunións que temos previsas nas parroquias, xa que non é unha cuestión discriminatoria, porque foron os propios veciños que, ao ter preto da casa ou establo puntos de luz que foran apagados, solicitaron conectalos á súa propiedade”, sinala.

Noutros municipios  que non teñen plan de axuste

“A Administración Autonómica e o goberno do Estado están aplicando recortes por todos os lados. No caso dos Concellos prestamos poucos servizos, pero de primeira necesidade, como é o caso do alumeado público” sentencia o concelleiro, advertindo que a medida “non é prato de bo gusto para ningúen”.

Do mesmo xeito, Cuíña lembrou que outros municipios próximos como Lalín ou Vila de Cruces tamén aplican a eliminación de puntos de luz, “pese a que estes Concellos non tiveron que facer Plan de Axuste, coma no caso de Silleda”. 

 

A Concellería de Educación convoca as Axudas ao Transporte Universitario e á compra de libros e material escolar

Silleda, 26 de agosto de 2015.  A Xunta de Goberno Local de Silleda aprobou onte martes a proposta da concelleira de Educación e Benestar Social, Pili Peón,  as bases que regulan a concesión de becas para o transporte, destinados a universitarios/as e estudantes de ciclos formativos  que cursen estudos oficiais en algún dos Campus e/ou institucións da Comunidade Autonóma

O importe máximo da subvención por beneficiario/a será de 450 euros, para todo o curso 2015/2016.  Poderán optar a estas axudas persoas residentes e empadroadas no municipio de Silleda (alomenos un ano antes da publicación das bases), e que cursen os referidos estudos universitarios e ciclos formativos. Así mesmo, a renda per cápita familiar debe de ser igual ou inferior a 10.000 euros.

A diferencia de anos anteriores, e ao igual que aconteceu xa o pasado ano, as axudas serán con ingreso directo na conta bancarias dos beneficiarios. As solicitudes poderán presentarse nun prazo de 15 días naturais a contar dende a publicación das bases na web municipal. Dado que a publicación se realiza con data de hoxe, o prazo remata o vindeiro día 10 de setembro.

As solicitudes deben de presentarse no Rexistro Xeral do Concello, cumprimentando o formulario anexo as bases e achegando outra documentación. Así, os solicitantes deben presentar fotocopia do seu DNI, da matrícula do curso escolar en curso, copia da renda familiar do exercicio 2014, ou no seu caso certificado da Axencia Tributaria de non telo e certificación bancaria da conta a nome do beneficiario da axuda ou no seu caso do titor/a legal do mesmo.

Estas axudas chegan con cargo ao orzamento municipal de 2015 que se aprobouo pasado mes de xuño.

Axudas para material escolar

Por outra banda, na mesma sesión o goberno local aprobou tamén as bases que rexerán as axudas complementarias para que as familias con poucos recursos poidan completar os gastos destinados a mercar libros e material escolar, que non lle cubre o vale concedido pola Xunta de Galicia. 

As condicións e requisitos desta convocatoria tamén poden  consultarse na web municipal, coa normativa que rexerá as axudas, como os formularios que deben de cubrir as persoas interesadas que cumpran os requisitos estabrecidos.

 Serán beneficiarias aquelas familias que precisan de protección especial ou con todos os seus membros en situación de desemprego, con alumnos/as que cursen estudos de Primaria ou ESO.

As solicitudes poden recollerse no departamento de Benestar Social (ou descargarse tamén da web) e unha vez cubertas deben de presentarse no Rexistro Xeral do Concello, en horario de 09.00 a 14.00 horas, tamén ata o vindeiro 10 de setembro. As persoas beneficiarias das axudas recibirán un vale coa achega necesaria que lles entregarán en Benestar Social, para canxear nas librerías do municipio de Silleda que vendan material escolar.

**Nos arquivos adxuntos pódense consultar as bases e dispoñer dos anexos.

A Concellería de Educación convoca as Axudas ao Transporte Universitario e á compra de libros e material escolar

Silleda, 26 de agosto de 2015.  A Xunta de Goberno Local de Silleda aprobou onte martes a proposta da concelleira de Educación e Benestar Social, Pili Peón,  as bases que regulan a concesión de becas para o transporte, destinados a universitarios/as e estudantes de ciclos formativos  que cursen estudos oficiais en algún dos Campus e/ou institucións da Comunidade Autonóma

O importe máximo da subvención por beneficiario/a será de 450 euros, para todo o curso 2015/2016.  Poderán optar a estas axudas persoas residentes e empadroadas no municipio de Silleda (alomenos un ano antes da publicación das bases), e que cursen os referidos estudos universitarios e ciclos formativos. Así mesmo, a renda per cápita familiar debe de ser igual ou inferior a 10.000 euros.

A diferencia de anos anteriores, e ao igual que aconteceu xa o pasado ano, as axudas serán con ingreso directo na conta bancarias dos beneficiarios. As solicitudes poderán presentarse nun prazo de 15 días naturais a contar dende a publicación das bases na web municipal. Dado que a publicación se realiza con data de hoxe, o prazo remata o vindeiro día 10 de setembro.

As solicitudes deben de presentarse no Rexistro Xeral do Concello, cumprimentando o formulario anexo as bases e achegando outra documentación. Así, os solicitantes deben presentar fotocopia do seu DNI, da matrícula do curso escolar en curso, copia da renda familiar do exercicio 2014, ou no seu caso certificado da Axencia Tributaria de non telo e certificación bancaria da conta a nome do beneficiario da axuda ou no seu caso do titor/a legal do mesmo.

Estas axudas chegan con cargo ao orzamento municipal de 2015 que se aprobouo pasado mes de xuño.

Axudas para material escolar

Por outra banda, na mesma sesión o goberno local aprobou tamén as bases que rexerán as axudas complementarias para que as familias con poucos recursos poidan completar os gastos destinados a mercar libros e material escolar, que non lle cubre o vale concedido pola Xunta de Galicia. 

As condicións e requisitos desta convocatoria tamén poden  consultarse na web municipal, coa normativa que rexerá as axudas, como os formularios que deben de cubrir as persoas interesadas que cumpran os requisitos estabrecidos.

 Serán beneficiarias aquelas familias que precisan de protección especial ou con todos os seus membros en situación de desemprego, con alumnos/as que cursen estudos de Primaria ou ESO.

As solicitudes poden recollerse no departamento de Benestar Social (ou descargarse tamén da web) e unha vez cubertas deben de presentarse no Rexistro Xeral do Concello, en horario de 09.00 a 14.00 horas, tamén ata o vindeiro 10 de setembro. As persoas beneficiarias das axudas recibirán un vale coa achega necesaria que lles entregarán en Benestar Social, para canxear nas librerías do municipio de Silleda que vendan material escolar.

**Nos arquivos adxuntos pódense consultar as bases e dispoñer dos anexos.

Ir á primeira páxina Ir á páxina anterior