Concello de Silleda

Silleda, 10 de maio de 2012. Na parroquia de Taboada, no lugar de Taboadavella, hai dende hai tempo unha casa en ruínas que dificulta enormemente o paso do tráfico por un camiño municipal, impedindo o acceso á aldea a vehículos meirandes que un utilitario, sendo unha das maiores preocupacións dos veciños que as ambulancias tampouco poden pasar por alí, en caso de haber algunha urxencia médica.

Ante esta situación, o Concello de Silleda decidiu mercar a pedra da que está feita esa casa que se atopa en estado ruinoso, para poder proceder á demolición da devandita construción. Con esta medida, o camiño quedará desatoado e o executivo local terá abastecemento de cantería para a realización de obras municipais.

Ler mais ...

Silleda, 9 de maio de 2012. Arredor dun centenar de persoas acudirán á xa tradicional comida-baile de primavera da terceira idade de Silleda que organiza a Concellaría de Benestar e Igualdade que dirixe Dolores García.

Ler mais ...

Silleda, 9 de maio de 2012. A Concellaría de Normalización Lingüística do Concello de Silleda , que dirixe Paula Fernández Pena, vén de convocar un concurso de microcurtas e outro de microrrelatos.

As obras presentadas a calquera deles, deberán estar integramente feitas en Lingua Galega, e poderán concursar todas as persoas que teñan entre 12 e 20 anos e estean censadas en Silleda.

Ler mais ...

Silleda, 7 de maio de 2012. O Concello de Silleda formará parte do proxecto Wimax Rural Pontevedra, cofinanciado con fondos europeos (FEDER) e promovido pola Deputación de Pontevedra. Este proxecto, contempla un servizo de acceso a Internet gratuíto mediante a tecnoloxía Wifi nun edificio de cada un dos concellos que se acollen ao plan.

Ler mais ...

Silleda, 7 de maio de 2012. O vindeiro xoves 10 de marzo, a terceira idade do Concello de Silleda, celebrará a xa tradicional comida-baile de primavera .

O ágape, ao que asistirá a Alcaldesa de Silleda, Paula Fernández Pena, terá lugar ás 14.00 horas no Restaurante Coteliño. De menú haberá ensaladilla de marisco, xarrete e cordeiro con gornición, sobremesa, café, viño e licores, por 13 euros por persoa.

Ler mais ...

Silleda, 7 de maio de 2012. A Concellaría de Cultura, que dirixe Matías R. da Torre, está a organizar varias actividades para a vindeira semana, en que se conmemora o día das Letras Galegas, este ano dedicado a Valentín Paz Andrade.

Actualmente, na Casa da Cultura de Silleda e na Biblioteca hai unha exposición biográfica do homenaxeado nesta edición que pode ser visitada por calquera persoa que se achegue a estas dependencias municipais, de 8.00 a 15.00 horas durante a mañá e de 16.00 a 20.00 horas pola tarde.

Ler mais ...

Silleda, 5 de maio de 2012. A Concellaría de Deportes, que dirixe Klaus Brey, está a traballar para a creación dunha Escola Municipal de Fútbol, que estaría directamente xestionada polo concello, aínda que contaría coa empresa Turnativa mediante a firma dun convenio.

Este proxecto, contemplaría traballar con rapaces de 5 a 15 anos, nas categorías pre-benxamín, benxamín, alevín, infantil e cadetes; cinco categorías das que actualmente hai 7 equipos posto que os alevíns e os benxamíns teñen dous grupos cada un.

Ler mais ...

Silleda, 5 de maio de 2012. Mañá, día 6 de maio, os bosques de Carboeiro acollerán a terceira proba da Liga Nacional de REFTA de percorrido de bosque en 3D.

A mecánica desta modalidade contempla dous percorridos de 20 dianas que representan animais a tamaño natural, situadas de modo que simulen a posición real do animal no monte, e cada figura está marcada a zona vital (corazón e pulmón).

Ler mais ...